انا ولد عنده26 سنه حبيت بنتاصغر مني بسنه
استمر ارتباطنا 6 سنوات عشت اجمل اللحظات
عيشتني ف قلبها كانت بتخاف عليا جدا حتي
ساعات كانت بتخاف عليا من كتر جبها كانت
بتخاف احس انها من كتر حبها ليه ممكن اتخنق
كانت عكس كل البنات كنت ساعة ما اجيب
سيرت الارتباط كانت تضايق وتزعل من ايه
مش عارف كلمتها و صارحتها وقولتلها في
جلست صفا ايه المشكله قالتلي انا حبه كده
مش عاوزه ارتباط قبل ما نكون قادرين عليه
قولتلها الحمد لله مستوره انا شغال ودخلي
كويس تبقي فين المشكله قالتلي انا عندي
احلامي مش هتنازل عن اني احققها قولتلها
انا مش من احلامك دا حلم كل بنت انها ترتبط
بالنسان اللي بتحبه وكان واصرت ع موقفها
ومن احلامها اللي عاوزه تتحققها كان سفرها
للشغل مش لاي حاجه تانيه علشان الفلــــــوس
وبعد ما سفرت كلمتها وقولتلها انت اخترت ايه
كده خلاص احلامك اتحققت لما تنزلي نرتبط و لا
ايه رايك قالتلي سبها لله بس ممكن تسيب شغلك
وتيجي تدور ع شغل هنا ونعمل فلوس تحقق كل
احلامنا قلتلها مقدرشي من غربه لغربه وابدا من
جديد لا انا ف شغلي مرتاح مش عاوز غيرك ايه
رايك قالتلي هنا الفلوس كتير وانا عرفت واحد
علاقات عامه زيك بياخد 375 دينار اول مرتب
من ضيقتي قولتها خلاص اتجوزيه طالما دي
احلامك حققيها وقالتلي ساعتها وكانها بتكلم
واحده صحبتها بجد انت رايك ان المبلغ دا علي
مرتبي نعمل اكتر من 11000 مصري ونسيت
هي بتتكلم مع مين ففوقتها وقلتلها انت
نسيتي انت بتتكلمي مع مين قالتلي ا سفه
قلتلها انا اللي اسف اني ضيعت من عمري
6 سنين قالتلي انت مش عاوز تكمل قلتلها
كده كفايه وقفلت معاها و مكلمتهاش من
يومها بس انا مش زعلان عليها لانها عمرها
ما زعلتني ولا انا وحبتني وانا عشقتها
بس كل حاجه خلصت بسرعه لدرجة انك
مش عارف تزعل ويكون سبب زعلك ايه
كان اسمها ياسمين واحلي ياسمين
عرفتها كانت كل حاجه وانا كنت لها
كل حاجه لغاية يوم 25/8/2007 تاريخ
سفرها الكويت
علي العلم اني بعمل في مصر بالشئون
القانونيه بشركه كبيره وساعدني علي
العمل بالامارات بشركة الحمد لله دخلي
وحالتي الماديه مستريحه الي حد كبير
بس السؤال انا عمري ما زعلت منها حتي الان ولا متضايق اننا انفصلنا حاسس ان عندي لا مبالاه تجاه الموضوع دا ياريت تبعتولي بارائكم واكون سعيد بمروركم ع موضوعي مش مشكلتي (الحمد لله علي كل شئ ")
تحياتى
الرئيسية 
