دى اول مشاركه ليا فى المنتدى وللاسف ابتديتها بمشكلتى ياريت حد يساعدنى فى حلها مشكلتى ان لاحظت ان فى انسان مهتم بيا جدا الاول لاحظت نظراته واهتمامه بيا بس انا مكنتش بفكر فى الارتباط دلوقتى خالص بس مرة واحدة لقيت نفسى اتعلقت بيه مش بس نظراته واهتمامه بيا هى اللى خلتنى اتعلق بيه لا بجد انسان محترم وفى حاله وملتزم ومتدين وشخصيته هادية وقوره بجد جذبتنى خصوصا اللى بقى نادر تلاقى حد كده الايام دى فضلنا شهور وشهور مفيش اى مجال ما بينا للكلام غير نظراته واهتمامه اللى بيذيدوا يوم عن يوم بس فى صمت وحصلت الصدفة واتكلمنا لاول مرة مع بعض وبجد فعلا احساسى بيه ورايي فيه طلع نفس رايي بعد ما اتكلمت معاه وقربنا اكتر من بعض بس فى حدود الزماله فى الشغل مش اكتر من كده بس انا ملاحظة اهتمامه ونظراته ليا ومرة عرف انى هسيب الشغل بسبب ظروف فراح صرحلى بحبه فى رساله من كلمه واحدة وللاسف كان تانى يوم سيبت الشغل وبعدها بفتره عرفت انه ساب الشغل هو وكل زمايلنا لان الشغل كان بيضيق الخناق على الكل والكل استقال من الشغل ده وبعدين عرفت انه هيرجع بلده عند اهله لانه للاسف متغرب هنا مش بلده بس كان مستقر هنا عشان الشغل ودلوقتى مش لاقى شغل وكلمنى وكانت حالته النفسية وحشة جدا معرفتش انطق ولا كلمه خصوصا انه قالى انه مش راجع هنا تانى وقالى شوفى مصلحتك ومستقبلك وكلمنى وحش جدا معرفتش انطق ملقتش ادامى غير الدموع دموعى اللى كنت اقصد بيها انى هستناك مهما حصل مهما كانت الظروف يا حبيب العمر ومهما مرت الايام فضلت اتكلم معاه واخفف عنه صدمته فى اللى حصل وبعدها معرفتش اى حاجة عن اخباره ولقيت صاحبه بيتصل بيا قالى انه يهمه سعادت صاحبه وسعادتى قالى انه بيبعد عنى عشان مش يقف فى طريق مصلحتى ومستقبلى ووقاله انه مش هياخد بنات الناس يتعبهم معاه وقالى انه محبط وحالته وحشة ومش بيرد على اى حد بجد مش عارفة اعمل ايه لو كان بيبعد عنى عشان واحدة تانيه كنت هقول خاين جرحنى وهبعد عنه لكن ده بعد عنى عشان بيحبنى فاكر انه بكده بيسعدنى نفسى اقوله انى هقف جنبه ومعاه ومش عارفة اكلمه ازاى بيصدنى ومصمم على قراره انه يبعد عنى اعمل ايه مش عارفة بجد مش عارفة ياريت حد يساعدنى يقولى اعمل ايه وكمان فى مشكله انه لما صرحلى بحبه انا مكنش ليا اى رد فعل على تصريحه ده لان انا شخصيتى من النوع الخجول اللى بخجل من اقل موقف ومش بعرف اتصرف بس اكيد هو عارف كده واكيد عارف ان المشاعر دى متبادله انا خايفة يكون بيقول انه هيضحى بقلبه وسعادته هو وهو عارف انى مش متعلقة بيه اقوى وممكن انساه خايفة يكون فاكر كده